პროექტის პორტფოლიო

ფინიში

ჩვენი ტრენინგი დასრულდა, ძალიან გახარებული ვარ რომ რაღაც გამომივიდა, ბევრი რამე ვისწავლე და ბევრ რამეში გავერკვიე, რაც  მთავარია პროექტის არსი წარმოვიდგინე და დავრწმუნდი, რომ ნამდვილად მოსწავლეებისთვის  სასარგებლო და სტიმულის მიმცემია. პროექტი ხელს უწყობს მოსწავლეების მოტივაციას, ჩართულობას, აწტიურობას, კვლევის უნარების განვითარებას და იმ ცოდნის შეძენას, რასაც გაკვეთილზე ვერ ახერხებენ

საკმაოდ შრომატევადი დღე იყო-ამდენი შეფასებები. შეფასების სხვადასხვა სტრატეგიები და ფორმები ვნახეთ,  გავარჩიეთ, ვეცადე ჩემი პროექტისთვის სწორი არჩევანი გამეკეთებინა. გავაკეთე შეფასების კრიტერიუმები. ამ დღეს ცოტა დავიბენი კიდეც. ისე ვეთანხმები რომ სასწავლო პროცესს და განსაკუთრებით პროექტებს სწორი შეფასებები სჭირდება.

გამოვთქვით ერთმანეთის პროექტებზე მოსაზრებები და გავიზიარეთ რჩევები, ვიმსჯელეთ საავტორო უფლებებზე და იმაზე თუ როგორ შეიძლება გამოვიყენოთ ტექნოლოგიები, ინტერნეტიდან ინფორმაციები, ან ვიდეო-მასალა, ვნახეთ ლინკის გადმოწერა და ატვირთვა იუთუბზე. ძალიან ვნერვიულობ. პროექტის სწორად კეთებას, მართლაც საპასუხისმგებლო მნიშვნელობა აქვს, რადგან აქ მოსწავლეთა უნარების განვითარების სწორ გადაწყვეტილებებზე პრიორიტეტი.

ტრენინგზე ცოტა დამაგვიანდა, მაგრამ მე მგონი გავიგე დღევანდელი შეფასების მეთოდები, სტრატეგიები და შეფასების ინსტრუმენტები.  დავიწყეთ პოვერპოინტში სლაიდებზე პროექტის მიმდევრობის გაწერა.

მოსვენება დავკარგე, დავიწყე ფიქრი რა თემა იქნება მოსწავლეების უნარების განვითარებისთვის უფრო გამოსადეგი. დავიწყე მუშაობა მიზნებზე, ბლუმის ტაქსონომიაზე, გავითვალისწინე რუბრიკა, გავარჩიეთ მიმართულების მიმცემი საკვანძო კითხვები.

ავეცანი პროექტული სწავლების მიზნებს და ამოცანებს.საინტერესოა თუ რამდენად მნიშვნელოვანია პროექტებით სწავლება,რომლის დროსაც მოსწავლეს უნვითარდება ცხოვრებისეული გამოცდილება, 21-ე საუკუნის უნარები, კრიტიკული აზროვნება პრობლემების გაანალიზების და გადაჭრის უნარები. დავიწყე თემის არჩევანზე ფიქრი, გზამკვლევის დახმარებით ვნახე როგორ შეიძლება გაიწეროს პროექტი, ვისწავლე პუბლიკაციის გაკეთება და შევქმენი ბლოგი. მოკლეთ  შევუდექი მუშაობას.